Тохсус кылаастар эксээмэннэрин бэйэлэрин оскуолаларыгар туттарыахтарын сөп
Тохсус кылаастар сүрүн судаарыстыбаннай эксээмэни (ОГЭ) бэйэлэрин үөрэнэр оскуолаларыгар туттарыахтарын сөп. Ити туһунан “Российская газета” саайта РФ Үөрэҕириигэ министиэристибэтин пресс-сулууспатыгар сигэнэн суруйар.
Санитарнай-эпидемиологическай балаһыанньанан сибээстээн, 9-с кылаастар эксээмэннэрин (ОГЭ) үөрэммит оскуолаларыгар ыытары былаанныыллар диэн ыйыллар. Бу 11-с кылаастар туттарар биир кэлим эксээмэннэригэр (ЕГЭ) туох даҕаны сыһыана суох диэн быһаараллар.
Санатан эттэххэ, урукку сылларга 9-с кылаастар эксээмэннэрин атын оскуолаҕа баран туттараллара, бэйэлэрин оскуолаларыгар көҥүллэммэт этэ. Быйыл ыарыыттан сэрэтэн, үөрэммит оскуолаларыгар ыыттарар былааннаахтар эбит. Итиэннэ түөрт эксээмэн оннугар икки сүрүнү (математика уонна нуучча тыла) туттарыахтара.
Мария ВАСИЛЬЕВА (СИА) хаартыскаҕа түһэриитэ.
+1
+1
+1
+1
+1
+1
+1