Тохсус кылаас үөрэнээччитэ – билим быыстапкатын кыайыылааҕа
03.10.2019
Аҕыйах хонуктааҕыта Нам улууһун II-Хомустаах оскуолатын тохсус кылааһын үөрэнээччитэ Саина Осипова норуоттар икки ардыларынааҕы “ЭКСПО-Наука/ESI” билим быыстапкатыгар соботтон чипсы астааһынын ньыматын билиһиннэрэн дакылаат ааҕан, кыайыылааҕынан таҕыста.
edersaas.ru
Быыстапка балаҕан ыйын 22-28 күннэригэр Абу-Даби куоракка (Холбоһуктаах Араб Эмираттара) буолан ааста. Саина манна соботтон чипсы астааһынын ньыматын туһунан кэпсээтэ. Санатан эттэххэ, тустаах оскуола үөрэнээччилэрэ оҕолор биисинэс-бырайыактарын чэрчитинэн, быйыл саас соботтон чипсы оҥорон, Саха сирин олохтоохторун сөхтөрөн тураллар. Саина улахан таһымнаах быыстапкаҕа кыайыыта, II-Хомустаах оскуолатын оҕолоро хардыылара кэҥээн иһэрин туоһулуур.
Людмила ПОПОВА, “Саха сирэ” хаһыат, edersaas.ru
+1
+1
+1
+1
+1
+1
+1