Өбүгэлэрбит сыл араас кэмигэр сылыктаабыт билгэлэрэ, сиэрдэрэ-туомнара күн-дьыл хаамыытын кэтээн көрөрбүтүгэр куруук туһалыыр:
Тохсунньуну от ыйа батыһар.
Тохсунньуга тибии типтэҕинэ, от ыйыгар улаханнык сөрүүдүйэн ылар, элбэхтик түстэҕинэ, өҥ дьылы күүтэллэр.
Тохсунньу 9 күнүгэр Ый уонна Үргэл алтыһыыта буолар.
Тохсунньу түүнэ уһун, күнүһэ кылгас.
Бу ый Таҥха ыйынан бэлиэтэнэр. Тохсунньу 12-18 диэри ойбонтон сүллүүкүттэр орто дойдуга тахсаллар. Ол иһин, бу кэмҥэ дьон-сэргэ олохторун инники өттүн билээри таҥхаланан, билгэлэнэн хаалаллар.
Сэттээх-сэлээннээх диэн тохсунньуга кэргэн кэпсэппэттэр, уруу, малааһын тэрийбэттэр.
Надежда ЕГОРОВА, «Саха сирэ», edersaas.ru
+1
+1
+1
+1
+1
+1
+1