Тохсунньу 25 күнүттэн социальнай куортамҥа сайаапкалары хомуйаллар
«2018-2022 сылларга нэһилиэнньэни сөбүгэр сыаналаах уонна табыгастаах дьиэнэн хааччыйар, итиэннэ хомунаалынай өҥө хаачыстыбатын үрдэтэр” судаарыстыбаннай бырагырааманы олоххо киллэрэргэ СӨ Тутуутун министиэристибэтэ ырыынак сыанатыттан чэпчэки төлөбүргэ куортамҥа бэриллэр дьиэлэри тутан таһаарбыта. Маннык чэпчэтиинэн нэһилиэнньэ сорох эрэ араҥата туһанар кыахтаах.
edersaas.ru
Ол курдук, инбэлииттэри, инбэлиит оҕолоох дьиэ кэргэттэри уонна Дьокуускайга өр кэмҥэ эмтэнэ кэлэр ыаллары чэпчэки сыаналаах куортамҥа бэриллэр дьиэнэн хааччыйарга тохсунньу 25 күнүттэн докумуоннары хомуйуу саҕаланар.
Социальнай куортам чэрчитинэн, ыйга 14 000 солкуобайга Каландарашвили аатынан уулусса, 25 А уонна Богдан Чижик уулуссатын, 31 баар икки дьиэҕэ аҕыс биир хостоох кыбартыыраны куортамныыллар.
Куортамнааччыга туох ирдэбил баарын, ким хапсарын https://e-yakutia.ru/bs/insructions/arenda.htm сайтка киирэн билсиэххитин, эбэтэр 42-00-15 төлөпүөнүнэн эрийэн ыйыталаһыаххытын сөп.
Марианна Тыртыкова, «Саха сирэ», edersaas.ru