Бүгүн Арассыыйаҕа заповедниктар уонна национальнай пааркалар күннэрэ бэлиэтэнэр. Бу тохсунньу 11 күнүгэр түбэспиччэ бэлиэтэнэр буолбатах. Ол курдук 1917 сыллаахха тохсунньу 11 күнүгэр Арассыыйаҕа бастакы судаарыстыбаннай заповедник тэриллибитэ.
edersaas.ru
Билигин дойдуга 100-тэн тахса заповедник уонна 35 национальнай паарка баар.
Бэлиэтээн эттэххэ, кэнники үс сыл иһигэр «Экология» национальнай бырайыагы олоххо киллэрии чэрчитинэн, Саха Өрөспүүбүлүкэтигэр 4 федеральнай суолталаах ураты харыстанар айылҕа территориялара (ООПТ) тэриллибиттэрэ. Ол иһигэр Хаҥалас улууһугар “Өлүөнэ очуостара”, Аллайыаха улууһугар «Кыталык» национальнай паарка, Аллараа Халыма улууһугар “Медвежьи острова” айылҕа заповеднига, Булуҥҥа «Новосибирские острова» судаарыстыбаннай айылҕа заказнига.
Ыспыраапка: Саха сиригэр араас категориялаах уонна таһымнаах 234 ООПТ, ол иһигэр 7 федеральнай суолталаах, 128 эрэгийиэн суолталаах, 99 мунициальнай таһымнаах харыстанар айылҕа территориялара тэриллэн үлэлии тураллар. Региональнай таһымнаах ООПТ уопсай иэнэ – 49,9%, муниципальнай таһымнаах — 41,4%, федеральнай таһымнаах 8,7% тэҥнэһэллэр.
«Саха сирэ» хаһыат, edersaas.ru