Бүтүн Арассыыйатааҕы тыа хаһаайыстыбатын дьоҕус биэрэпиһэ саҕаланыаҕыттан, статистика үлэһиттэрэ 43 778 кэтэх ыалга, ол эбэтэр биэрэпискэ хабыллыахтаах хаһаайыстыба 71,4 %-ыгар сырыттылар.
Улуустарынан көрдөххө, хаһаайыстыбалар Тааттаҕа (89,7 %), Ньурбаҕа (83,6 %), Горнайга (82,1%), Уус Алдаҥҥа (76,4 %), Аммаҕа (76 %), Хаҥаласка (74,6 %), Чурапчыга (73,4 %), Намҥа (70, 4 %), Мэҥэ Хаҥаласка (69,9 %), Сунтаарга (68,8 %) биэрэпистэннилэр. Оттон тыа хаһаайыстыбаларын тэрилтэлэрэ, биирдэм урбаанньыттар, бааһынай хаһаайыстыбалар итиэннэ гражданнар кэммиэрчэскэйэ суох (даача, саад-оҕуруот) холбоһуктара биэрэпис былааҥкатын бэйэлэрэ толорон туттараллар.
Билиҥҥи туругунан, 421 (77,5 %) тыа хаһаайыстыбатын тэрилтэтэ, 2 229 (69,2 %) бааһынай хаһаайыстыбалар уонна биирдэм урбаанньыттар, 164 (52,2 %) гражданнар кэммиэрчэскэйэ суох холбоһуктара биэрэпистэннилэр.
Биэрэпиһи бүтэрдилэр:
- Алдан, Булуҥ, Үөһээ Халыма, Эдьигээн, Орто Халыма, Томпо, Уус Маайа, Усуйаана, Эбээн Бытантай улуустара.
- Аллайыаха, Горнай, Кэбээйи, Мирнэй, Муома, Нам, Хаҥалас уонна Уус Алдан улуустарын тэрээһиннээх хаһаайыстыбалара.
- Анаабыр, Мирнэй, Аллараа Халыма, Өлүөхүмэ, Өлөөн уонна Нерюнгри оройуоннарын бааһынай хаһаайыстыбалара, биирдэм урбаанньыттара.
Раиса Сибирякова.