Буокса оскуолатыгар тириэньэр Артур Пахомов аатын иҥэриэхтэрэ

Бөлөххө киир:

СӨ Успуорка уонна физическэй култуураҕа министиэристибэтин кэллиэгийэтигэр бүгүн, сэтинньи 18 күнүгэр, Буоксаҕа олимпийскай эрэл спортивнай оскуолатыгар Арассыыйа уонна Саха сирин үтүөлээх тириэньэрин Артур Иннокентьевич Пахомов аатын иҥэрэр туһунан быһаардылар.

Бу туһунан Успуорт миниистирин бастакы солбуйааччы Семен Чердонов кэллиэгийэҕэ хадатаайыстыбалаата.

Артур Иннокентьевич Пахомов 1954 сыллаахха олунньу 15 күнүгэр Ньурба Антоновкатыгар төрөөбүтэ. Үрдүк категориялаах тириэньэр, Саха сиригэр уонна Арассыыйаҕа буокса успуорда сайдарыгар улахан кылааттаах. Спортсмен быһыытынан үрдүк ситиһиилэрдээх: өрөспүүбүлүкэтээҕи, Арассыыйатааҕы, Бүтүн сойуустааҕы чөмпүйэнээттэр кыайыылаахтара буолар.

Артур Иннокентьевич дьарыктаабыт боксердара аан дойду таһымнаах боксердар. Тириэньэрдээбитин устата успуорт икки успуорт үтүөлээх маастарын, хас даҕаны норуоттар икки ардыларынааҥы успуорт маастарын, ССРС уонна Арассыыйа успуордун 12 маастарын, 20 хандьыдааты иитэн таһаарбыта. Биллэр үөрэнээччилэринэн Олимпиада боруонса призера, аан дойду чөмпүйэнээтин боруонса призера, Европа, Арассыыйа хас да төгүллээх чөмпүйүөнэ, Арассыыйа успуордун үтүөлээх маастара Георгий Балакшин, Риотааҕы Олимпиада кыттыылааҕа, аан дойду чөмпүйэнээтин үрүҥ көмүс призера, Европа, Арассыыйа хас да төгүллээх чөмпүйүөнэ Василий Егоров уо.д.а. буолаллар.

Кини бу дьыл алтынньы 14 күнүгэр олохтон турорааабыта.

edersaas.ru

+1
0
+1
0
+1
0
+1
0
+1
0
+1
0
+1
0