Тирэҥсэ

Ааптар: 
Бөлөххө киир:

“Саха сирэ” хаһыат уонна “Эдэр саас” сайт, Емельян Ярославскай аатынан хотугу норуоттар историяларын уонна култуураларын холбоһуктаах судаарыстыбаннай музейа Саха АССР 100 сылынан, 2022 сыл Саха Өрөспүүбүлүкэтигэр – Ийэ, РФ — Арассыыйа норуоттарын култууратын үйэлээх баайын сылларынан тэрийбит “Үйэлээх мал” (“Өбүгэм ситимэ”) диэн хаартысканан уонна видеонан куонкуруһа түмүктэммитин да кэнниттэн ыйыталаһаллар, хаартыска ыыталлар.

Бүгүн Амматтан кэлбит хаартыскалаах суругу ааҕааччылар болҕомтолоругар анаан таһаарарга быһаарынныбыт.

—Ийэм Стручкова (Кочаткина) Агафья Афанасьевна(1930 с.т.) Амма улууһун Соморсунуттан төрүттээх. Аҕата төрүт Соморсун Чагдатыттан олохтоох ини-бии Куочааккыннар бырааттара-убайдара Афанасий Николаевич Кочаткин, ийэтэ Скрябина Прасковья Мэҥэ Хаҥаластан төрүттээх этилэр. 16 оҕоломмуттарыттан соҕотох кыыс хаалан, Амма оройуонун Сулҕаччы нэһилиэгин олохтооҕор Стручков Иосиф Дмитриевичкэ (1929 с.т.) 1952 сыллаахха кэргэн тахсан, биэс оҕону төрөтөн улаатыннаран, үөрэхтээн, ыал оҥорон, сиэн, хос сиэн үөрүүтүн билэн орто дойдуттан арахпыттара.

Ийэм кэргэн тахсарбар кэтиэм диэн, 18 сааһыгар (ол аата 1948 сыллаахха, сэрии кэнниттэн) бэйэтэ ынах тириитин имитэн, иҥиир сабынан тиктибит, өҥнөөх сабынан оһуордаабыт тирэҥсэтин кэриэс гынан уура сылдьабыт. «Оһуорун былыргы куһаат куру өһүлэн сап гынан, онон оһуордаабытым», — диэн кэпсиирэ.

Суруйда төрөппүт кыыһа  Раиса Стручкова,

И.И.Константинов-Дэлэгээт Уйбаан аатынан Сулҕаччы уопсай үөрэхтээһин орто оскуолатын омук тылын учуутала,

Амма

+1
0
+1
0
+1
0
+1
0
+1
0
+1
0
+1
0