Кыайыы 75 сылыгар икки толору метражтаах уус-уран киинэ Тимофей Сметанин айымньытынан уһуллан таҕыста.
Режиссер Руслан Тараховскай “Сердце солдата” киинэтигэр бэйиэт, драматург, фронтовик Тимофей Сметанин олоҕо, айар үлэтэ кэпсэнэр. Сүрүн дьоруой – олоҕун суолун көрдөнөр эдэр киһи, саҥа саҕалаан эрэр музыкант.
“Рядовой Чээрин” киинэҕэ саха саллаата, булчут Дьөгүөр Чээрин хайдах хорсуннук сэриилэспитин туһунан көстөр. Режиссер – Дмитрий Кольцов. Бу киинэҕэ аан бастаан көмпүүтэр графиката хото туһаныллыбыт. Бу киинэни уһула сатаабыттара ыраатта, ол эрээри былырыын «Синет Сахавуд» пуондатыттан харчы ылан, тигинэччи үлэлээн устан бүтэрбиттэрэ. Бу саас киинэ тыйаатырдарыгар тахсыахтаах этэ да, пандемия мэһэйдээбитэ.
Бу киинэлэр киинэ тыйаатырдара аһыллыбыттарын кэннэ, сотору кэминэн көрдөрүллүөхтээхтэр.
Ангелина Васильева, “Саха сирэ” хаһыат, edersaas.ru