Тимир ууһа байыаннай көлөнү сүүрэр оҥорбутугар Ил Дархан махтанна

Бэҕэһээ Ил Дархан Айсен Николаев инстаграмҥа  Нам Таастааҕын олохтооҕо, тимир ууһа Максим Попов туһунан суруйда.

«Бүгүн биһиэхэ БАТ-М  көлөнү соҕотоҕун өрөмүөннээн, үлэлиир оҥорбут тимир ууһун туһунан киэн туттан кэпсээтилэр. Маладьыас, Максим!  Хайаан да эйигин анаан көрсүөҕүм уонна махтаныам«, — диэн суруйда бэйэтин страницатыгар өрөспүүбүлүкэ Аҕа баһылыга.

Кырдьык, саха киһитэ боччумуран олорон, байыаннай тиэхиньикэни өрөмүөннүү олороро социальнай ситимнэргэ хото тарҕаммыта.

Максим Поповынан, кини курдук сатабыллаах дьонноохпутунан, Саха сирин дьоно бары киэн туттубуппут.

Елена ПОТОЦКАЯ, «Саха сирэ» хаһыат.

Хаартыска: социальнай ситимнэртэн.