«Дархан Уус» тимир уустарын түһүлгэтигэр быһах оҥорооччулары таһынан, араас тимир оҥоһуктары оҥорооччулар эмиэ бааллар.
edersaas.ru
Үөһээ Бүлүү олохтооҕо Николай Михайлов тимиринэн оҥорбут кыыл тайахтарын үгүс киһи интэриэһиргээтэ.
Кини мандардык тимиринэн уһаарбыт тайахтара «Дархан Уус» быыстапкаҕа «күннээтилэр».
Мэктиэтигэр, оҥоһуктары хаартыскаҕа уонна видеоҕа түһэрээри уочараттаан ыллыбыт.
— Тимир оҥоһуктарынан дьарыктаммытым уонча сыл буолла. «Дархан Уус» быыстапкаҕа үһүс сылбын кыттабын. Оҥоһуктарбын «сиикэй» тимиринэн оҥоробун.
Оҥордум да, тута атыылаһан иһэллэр. Бу ордон хаалбытын, быыстапкаҕа аҕаллым, — диэн кэпсиир тимир ууһа.
ВИДЕО:
Дьэ, кырдьык да киһи сөҕөр үлэлэрэ буолбаат!
Елена ПОТОЦКАЯ, «Саха сирэ» хаһыат, edersaas.ru
Хаартыскаҕа уонна видеоҕа ааптар түһэриитэ уонна устуута.
+1
+1
+1
+1
+1
+1
+1