Тимир суолунан тиэйиигэ төһө үп көрүлүннэ?

Ааптар: 
Бөлөххө киир:

Тимир суолунан тиэйиигэ төһө үп көрүлүннэ?

Бырабыыталыстыба тыа хаһаайыстыбатын бородууксуйатын тимир суолунан тиэйиини чэпчэтиилээх тарыыбынан субсидиялыырга өссө 2 млрд солкуобайы көрдө.

Бырабыыталыстыба чэпчэтиилээх тарыыбынан тыа хаһаайыстыбатын бородууксуйатын тимир суолунан тиэйиигэ субсидиялааһын кээмэйин улаатыннарда. 2022 сылга бу сыалга эбии 2 млрд солкуобай көрүллүөҕэ. Маннык дьаһалга Бырабыыталыстыба Бэрэссэдээтэлэ Михаил Мишустин илии баттаата.

Эбии үбүлээһин аграрийдарга тырааныспарка ороскуоту аччатыаҕа уонна Арассыыйа эрэгийиэннэригэр бурдук уонна арыы буолар үүнээйилэр култуураларын, оҕуруот аһын уонна балык бородууксуйатын, минеральнай уоҕурдууну тиэйиини улаатыннарыаҕа. Уопсайа маннык тиэйии кээмэйэ 1 мөл туоннанан элбиэҕэ.

Тыа хаһаайыстыбатын бородууксуйатын тимир суолунан тиэйиини судаарыстыба 2019 сылтан өйөөбүтэ. Манна бородууксуйаны тиэйиигэ чэпчэтиилээх тарыыптары олохтооһуну кытта сибээстээх сүтүктэри толуйууга тимир суолунан тиэйээччилэри субсидиялааһын туһунан этиллэр. Чэпчэтилээх тарыыбынан богуонунан эбэтэр контейнердарга эмиэ тиэйиэххэ сөп.

“Федеральнай бүддьүөккэ бу сылга маннык сыалга анаан 2,3 млрд солкуобайтан тахса көрүллүбүтэ. Саҥа үөскээбит усулуобуйаларга бу үп-харчы ситэ тиийбэт, — диэн бэлиэтээтэ Михаил Мишустин аҕыйах хонуктааҕыта ыытыллыбыт Бырабыыталыстыба мунньаҕар.

РФ Бырабыыталыстыбатын саайтыттан

Бэлэмнээтэ Женни Стрюкова

Хаартыска: тустаах саайтан

+1
0
+1
0
+1
0
+1
0
+1
0
+1
0
+1
0