Саха сиригэр тимир суолунан айаннаан кэлбит дьон эттэрин суоһун (температураларын) бэрэбиэркэлээн эрэллэр.
edersaas.ru
Коронавирус дьаҥа салгыы тарҕамматын туһуттан «Саха сирин тимир суоллара» хампаанньа айаннаан кэлбит дьону бэрэбиэркэлиир үлэни саҕалаата. Ол курдук киһи этин суоһун ыраахтан быһаарар «инфракраснай термометрынан» пуойас уонна вокзал үлэһиттэрэ бэрэбиэркэлиир үлэлэрин күргүөмнээхтик саҕалаатылар. Маннык бэрэбиэркэ суһал эрэсиим кэмэ бүтүөр диэри ыытылларын иһитиннэрдилэр. Маны сэргэ, пуойастарга, вокзалларга дезинфекция үлэтэ ыытыллар. Коронавирус дьаҥар сыстыбат туһуттан тимир суол үлэһиттэригэр дьону-сэргэни кытта алтыһыыга анал инструктаж ыытылынна.
Ульяна ЗАХАРОВА, edersaas.ru
+1
+1
+1
+1
+1
+1
+1