Алтынньы 1 күнүттэн, ол аата сарсыҥҥыттан, тимир көлөлөөх дьоҥҥо тэхэньиичэскэй көрүү болдьоҕо тохтотуллар.
Онон быйыл олунньуга, кулун тутарга уонна муус устарга тэхэньиичэскэй болдьохторо ааспыт тимир көлөлөөх дьон хайаан да сарсыҥҥыттан саҕалаан анал көрдөрүүнү ааһыахтарын наада. Массыыналаахтар маны болҕомтоҕо ыларгытыгар сүбэлиибит. Дьоҕус тимир көлөлөр собуоттан тахсыбыттара 4 сыллара ааспыт буоллаҕына уонна элбэх таһаҕаһы тиэйэр ыарахан уйуктаах массыыналар, дьону тиэйэр таксилар уонна оптуобустар хайаан да тэхэньиичэскэй көрүүнү булгуччу ааһаллара ирдэниллэр. Манна аналлаах сокуон бырайыага (ол эбэтэр дьоҕус көлөлөөхтөр баҕа өттүнэн ааһалларыгар) РФ Судаарыстыбаннай Дууматын көрүүтүгэр киирбит.
+1
+1
+1
+1
+1
+1
+1