Тиксиигэ салгын аалын көтөр-түһэр балаһатын өрөмүөнэ түмүктэнэн эрэр

Ааптар: 
Бөлөххө киир:

Тиксии аэропуордугар салгын аалын көтөр-түһэр балаһата өрөмүөннэнэн бүтэн эрэр.

Тутар-монтажтыыр үлэлэр бу күһүн сэтинньигэ түмүктэниэхтээхтэр.
Ил Дархан Айсен Николаев бэлиэтээбитинэн, балаһа үлэҕэ киирдэҕинэ, сөмөлүөт көтүүтүн ахсаана элбиэҕэ уонна Москваҕа, Арассыыйа атын куораттарыгар диэри рейстэр олохтонуохтара.
—Саҥалыы уларытан оҥоруу бүттэҕинэ, эрэгийиэннэр икки ардыларынааҕы рейси толорорго, 1-2 кылаастаах салгын аалларыгар хааччахтааһын тохтуоҕа. Билигин 1400 м. уһуннаах балаһа учаастага туһаныллар. Өрөмүөн кэнниттэн Тиксии-Москва хайысханан быһа рейстэри саҕалааһын боппуруостара көрүллүөхтэрэ, — диэн бэлиэтиир Айсен Николаев.
Маны сэргэ, аэропорду уларытан, тупсаран оҥоруу үлэтин 2023 сыл бүтүөр диэри түмүктүүр былааннаахтар.
Бэдэрээччит «Запсибгазпром» ХЭУо иһитиннэрбитинэн, урукку өттүгэр бөһүөлэк канализация уутун ыраастыыр тэрилиттэн (кос) уу түһэрэ быһаарыллыбыт. Итинтэн сылтаан тутар-монтажтыыр үлэлэр болдьохторо көһөрүллүбүт. Онон бэдэрээччиттэр уу сүүрэр-дренажтыыр ситимҥэ үлэни ыытыахтара.
 Үлэ хаамыытын РФ Уһук Илини сайыннарыы министиэристибэтэ уонна федеративнай тутулга, региональнай бэлиитикэҕэ, олохтоох салайыныыга уонна хоту сир дьыалаларыгар Федерация Сэбиэтин кэмитиэтэ билистилэр.

Василий Кононов хаартыската түһэриилэрэ

+1
0
+1
0
+1
0
+1
0
+1
0
+1
0
+1
0