Тиксиигэ оройуоннааҕы оҕо бибилэтиэкэтэ «Култуура» национальнай бырайыак чэрчитинэн саҥардыллан, сотору үлэтин саҕалыаҕа. Билигин манна өрөмүөн үлэтэ буола турар.
Бу бибилэтиэкэ 2019 сыллаахха «Култуура» национальнай бырайыак чэрчитинэн стандартка эппиэттиир гына саҥардылларыгар харчы ыларга куонкуруһу ааспыта. Онон 5 мөлүйүөн солкуобайынан Тиксии бибилэтиэкэтигэр өрөмүөн ыытыллар, туттар тэриллэри атыыласпыттара, кинигэ пуондата эбилиннэ. Бибилэтиэкэ үлэтин балаҕан ыйын бүтүүтэ-алтынньы саҕаланыыта саҕалыаҕа.
«Бүгүҥҥү күҥҥэ «Култуура» национальнай бырайыагы олоххо киллэрии күргүөмнээхтик бара турар, ол курдук миэбэл уонна тэрил атыылаһарга 16 дуогабар баттанна, өрөмүөҥҥэ уонна миэбэл атыылаһарга аукцион ыытылынна«, — диэн бибилэтиэкэ үлэһиттэрэ иһитиннэрэллэр.
От ыйыгар бибилэтиэкэ өрөмүөҥҥэ сабылыннар даҕаны үлэтин тохтоппотох. Тэйиччиттэн олорон ааҕааччылары кытта үлэ ыытыллыбыт. «Култуура» нацбырайыак көмөтүнэн бибилэтиэкэ аныгылыы култуура уонна үөрэх киинэ буолар кыахтанна. Бу туһунан СӨ култуураҕа уонна духуобунай сайдыыга министиэристибэтэ иһитиннэрэр.
edersaas.ru
Хаартыскалар — министиэристибэттэн.