2021 сылга тиийинэн олоруу алын кээмэйэ үрдээтэ. Ол туһунан олунньу 25 күнүгэр СӨ бырабыыталыстыбатын 38 №-дээх уурааҕа тахсыбыта.
Ол уураах чэрчитинэн, өрөспүүбүлүкэ үрдүнэн 2020 сыл 4-c кыбаарталыгар тиийинэн олоруу алын кээмэйэ олохтонно:
— нэһилиэнньэҕэ ортотунан – 18 368 солкуобай;
— үлэлиир нэһилиэнньэҕэ – 19 476 солкуобай;
— биэнсийэлээхтэргэ – 15 438 солкуобай;
— оҕолорго – 19 201 солкуобай.
Ол эрээри, өрөспүүбүлүкэ икки зонаҕа арахсар, ол чэрчитинэн, улуустарга тиийинэн олоруу араастаһар. Холобур, Дьокуускай куоракка, киин уонна соҕурууҥҥу, илиҥҥи, арҕааҥҥы улуустарга маннык кээмэй олохтонно:
— нэһилиэнньэҕэ ортотунан – 18 008 солкуобай;
— үлэлиир нэһилиэнньэҕэ – 19 041 солкуобай;
— биэнсийэлээхтэргэ – 15 077 солкуобай;
— оҕолорго – 18 834 солкуобай.
Оттон хотугу улуустарга тиийинэн олоруу алын кээмэйэ:
— нэһилиэнньэҕэ ортотунан – 21 438 солкуобай;
— үлэлиир нэһилиэнньэҕэ – 22 861 солкуобай;
— биэнсийэлээхтэргэ – 18 383 солкуобай;
— оҕолорго – 22 002 солкуобай.
Ааспыт кээмэйи кытары тэҥнээтэххэ, ортотунан 500-700 солкуобайынан үрдээтэ.
Ангелина Васильева, “Саха сирэ” хаһыат, edersaas.ru
Хаартыска:ykt.ru