Тиэргэни тупсарыы дьон-сэргэ олоҕун хаачыстыбатын тупсарар, онон өрөспүүбүлүкэ киинигэр тиэргэни турпсарыы бырагыраамата кэҥэтиллиэн сөп. Бу туһунан Ил Дархан Айсен Николаев социальнай ситимнэринэн быһа сибээскэ эппитин СИА тиэрдэр.
«Дьокуускайга тиэргэни тупсаран оҥоруу үлэтэ ыытыллар эрээри, 2014-2015 сыллардааҕар бытаан. Биһиги бу боппуруоска куорат дьаһалтатын баһылыгын Евгений Николаевич Григорьевы кытары кэпсэппиппит. Кини билигин манна 15 тиэргэҥҥэ бырайыактаах. Оттон өрөспүүбүлүкэ бүддьүөтүттэн эбии 150 мөл.солк. көрүллүөн сөп. Ол гынан баран, куорат үбү-харчыны өссө 15 тиэргэни тупсаран оҥорууга ыытыахтаах. Быйылгы сылга барыта 30 тиэргэн тупсарыллыахтаах», — диэтэ Айсен Николаев.
Ил Дархан бырагыраама биэс сыл устатыгар салҕанан барыахтааҕын этэр. Оччотугар сыл ахсын отуттуу тиэргэн тупсарыллыа.
«Тиэргэннэр дьон олоҕор суолталаахтар. Киһи подъезтан тиэргэҥҥэ тахсар. Тиэргэни тупсарыы, уларытан оҥоруу, үчүгэй турукка аҕалыы, оҕо оонньууругар сөптөөх былаһаакка баар буолуута, аспаал, тротуардар, олоҕу тупсараллар. Этиим көрүллүө уонна дьон олоҕун хаачыстыбатын тупсарыа диэн эрэнэбин», — диэтэ кини.
+1
+1
+1
+1
+1
+1
+1