Тиэлиги эр дьоно Дьуку диэн сиргэ баһаары умуруорууга бардылар

Ааптар: 
Бөлөххө киир:

Ойуур уота суоһуур куттала билигин да уҕараабат. Олохтоох нэһилиэнньэ күөх тыатын көмүскээһиҥҥэ, харыстааһыҥҥа турунар.

Мэҥэ Хаҥалас I  Наахара нэһилиэгэр Тиэлиги сэлиэнньэтиттэн эр дьон эмиэ уоту умуллара  барбытын иһиттибит. Олохтоох дьаһалта  сүрүн исписэлииһэ Саргылана Макарова биһиэхэ иһитиннэрбитинэн, Дьуку диэн сиргэ атырдьах ыйын 12 күнүгэр тоҕус буолан айаннаабыттар. Сураҕын иһиттэххэ, уот Хаҥалас диэкиттэн кэлбит буолуон сөп.

— Билиҥҥитэ барбыт дьоммут төннөн кэлэ иликтэр. Кэллэхтэринэ билиэхпит хайдах-туох балаһыанньа буолбутун. Барыта этэҥҥэ буоллар диэн баҕалаахпыт. Владимир Николаевич Макаров “Беларусь” тыраахтарынан уонна атын кыра тиэхиньикэнэн барбыттара. Баһылыкпыт Алексей Григорьев бэйэтэ барыста. Кинини кытта Афанасий Кириллин, Арсений Попов, Владимир Макаров, Михаил Денисов, Валерий Кириллин уо.д.а.   — диэтэ Саргылана Романовна.

Тиэлигилэр урут-уруккуттан үлэһит, түмсүүлээх бөҕө дьон. Онон бу да сырыыга тэрээһиннээхтик дьаһаммыт буолуохтаахтар диэн эрэнэбит.

Бэлэмнээтэ Женни Стрюкова

Хаартыска: Тиэлиги көстүүтэ

+1
0
+1
0
+1
0
+1
0
+1
0
+1
0
+1
0