Айылҕа харыстабыла

Тиэлиги баһаара: Түөрт киһи кэтии хаалла

Бэҕэһээ киэһэ Мэҥэ Хаҥалас Тиэлигититтэн олохтоох дьаһалтаттан маннык ис хоһоонноох сурук туттубут:

—   Сонуннары  киэҥник тарҕатар уонна араас интэриниэт ситимнэрин нөҥүө бара турар “Тиэлиги баһаара” диэн ааттаах иһитиннэриигэ маннык быһаарабыт. Бу ый 12 күнүгэр 8 киһи, МТЗ — 82 булууктаах трактордаах (Макаров В.Н.) Тиэлиги диэки хайысханан Хаҥалас улууһун сириттэн иһэр тыа баһаарыгар тахсан, “Мандыала” үрэҕин устун 5 км  курдук уһуннаах уонна Хаатылыма туһаайыытынан тыа суолунан эмиэ 5 км  курдук уһуннаах баһаары утары сир хорутулунна (минерализованнай балаһа). Ол кэннэ МТЗ трактор тыа быыһынан ДТ тракторга аналлаах булуугу кыайан соспотунан дэриэбинэҕэ оҥосто, көрүнэ төнүннэ. Бүгүн ыаллыы Чыамайыкыттан  ДТ – 75 тыраахтар таҕыста. Хаатылыма диэкиттэн Хаатылымалар, экология үлэһиттэрэ уонна  улуус баҕа өттүлэринэн тэриллибит биригээдэлэри ыыталаан баһаарга үлэлэтэ сылдьар.  Хаҥалас баһаара аллараанан барар, урут баһаар буолбут сирэ буолан “верховой” баһаар куттала суох.  Илин эҥээрдээҕи экология сулууспата  көҥүллээн, Тиэлиги хамаандата Хаҥалас сиригэр ити этиллибит баһаары утары «распашка» оҥордо.  Хаҥалас баһаара билиҥҥи туругунан “Мандыала” үрэҕин ааһа илик, онон   Тиэлиги сиригэр киирэр куттала кыра курдук эрээри, 4 киһи баһаары кэтээн көрө  сылдьаллар. Гидрометкиин бэнидиэнньиктэн сис  ардаҕы билгэлиир, онон тыа баһаардара умуллуохтара диэн эрэнэ күүтэбит.

Бэлэмнээтэ Женни Стрюкова

Хаартыска: Тиэлигиттэн ыыттылар

0
0