Тэттик киинэ күрэһигэр кыттыҥ

Ааптар: 
Бөлөххө киир:

Горнай улууһугар Бэрдьигэстээххэ П.Д.Аввакумов аатынан киин бибилэтиэкэ саха норудунай суруйааччыта Софрон Петрович Данилов төрөөбүтэ 100 сылыгар, суруйааччы кэпсээннэринэн тэттик киинэ күрэһин биллэрэр!

Соруга: суруйааччы айар үлэтин киэҥник сырдатыы.
Тиэмэтэ: суруйааччы айымньыларын киинэ жанрын нөҥүө киэҥ араҥаҕа билиһиннэрии.
Ирдэбиллэрэ:
— Күрэскэ өрөспүүбүлүкэ олохтоохторо сааһыттан тутулуга суох кытталлар;
— Тэттик киинэ хайдах быһыылаахтык уһуллара, идиэйэтэ, көрөөччүгэ тиэрдиитэ — көҥүл;
— Тэттик киинэ кээмэйэ 10-40 мүн.;
— Тэттик киинэ ханнык нэһилиэктэн ыытыллыбытын, айар кэлэктиип: сценарист, режиссер, оператор, сүрүн оруоллар туһунан туспа кылгас быһаарыы сурук ирдэнэр;
— Күрэскэ кыттыы 500 солк. усунуостаах.

Тэттик киинэни тутуу болдьоҕо:
— Үлэлэри 2022 сыл кулун тутар ыйын киллэрэн туран киин бибилэтиэкэ berlib@list.ru электроннай почтатыгар «Тэттик киинэ күрэһэр» диэн бэлиэтээн эбэтэр gorny biblioteka инстаграм сирэй «дирегар» тутабыт.

Кыайыылааҕы быһаарыы:
— Киирбит үлэлэр ирдэбилгэ эппиэттиир буоллахтарына, бары киин бибилэтиэкэ gorny biblioteka инстаграм сирэйигэр, Горнайдааҕы кииннэммит библиотечнай ситим berdlib.saha.muzkult.ru уонна «Саха сирэ» хаһыат «Edersaas.ru» саайтарыгар тахсаллар;
— Тэттик киинэ кыайыылаахтарын дьүүллүүр сүбэ быһааран «Бастыҥ режиссерскай туруоруу», «Бастыҥ операторскай үлэ», «Бастыҥ дьахтар оруола», «Бастыҥ эр киһи оруола» номинациялар олохтоноллор.

Түмүгэ:
— Тэттик киинэ күрэһин кыайыылаахтара, кыттыылаахтара саха норуодунай суруйааччыта Софрон Петрович Данилов төрөөбүтэ 100 сылыгар анаммыт үөрүүлээх тэрээһиҥҥэ туоһу суруктары, бириистэри тутуохтара.
https://www.instagram.com/p/CWVGHtAsvT5/?utm_medium=share_sheet

+1
0
+1
0
+1
0
+1
0
+1
0
+1
0
+1
0