«Тэтим» араадьыйа үлэһиттэрэ үһүс улуустарыгар үлэлээтилэр

Соторутааҕыта «Саха» НКИХ «Тэтим» араадьыйатын көhө сылдьар устуудьуйата Амма улууһун киинигэр тиийэн быһа биэриилэри ыытта.

edersaas.ru

Араадьыйа уонна тэлэбиидэнньэ ыытааччылара Николай Бястинов, Гея Буртахова, Эдуард Рудых, Михаил Сергеев, Туйаара Андреева, Амор, Айдын, Баhылай Посельскай, Альбина Тарабукина, Саргылаана Антонова, Ньургуйаана Ботуева, Юрий Сергеев, Айыына Татаринова, Эрэл Эрэлик «Эрдэhиттэртэн» саҕалаан биир күн устата «Кэпсээҥҥит, хайдах олороҕут?», «Тэтим чааha», «Тыыннаах дорҕоон» уо.д.а. биэриилэргэ Амма улууhyн олоҕун, интэриэhинэй дьарыктаах дьонун, үлэтин-хамнаhын, ситиhиилэрин туhунан кэпсээтилэр.

Мин бу маннык сырыы араадьыйа суруналыыһын үлэтигэр туох сонун сүүрээни киллэрэрин туһунан Туйаара Андрееваттан ыйыттым.

—Маннык сырыыларга биһиги айар бөлөхпүт хас биирдии суруналыыһа улуус  бүгүҥҥү олоҕун, тугунан тыынан олорорун, түбүгүн,  дьарыгын уонна талаанын өрөспүүбүлүкэ истээччитигэр анаан билиһиннэрэр соруктаах үлэлиир.

Мин тус бэйэм тыа сирин үлэһит дьоно, эдэр ыала туох өйдөөх-санаалаах салайтаран олорорун , олоххо интэриэһин, сыалын сырдатарбын сөбүлүүбүн. Холобура, Амма Бөтүҥүн эдэр ыала Егоровтар дьиэ кэргэн аҕа баьылыга Олег Олегович өйүн-санаатын, толкуйун олус сөбүлээбитим. Маннык ыччат өрөспүүбүлүкэбит дьонугар-сэргэтигэр  холобур эрэ буолар кыахтаах. Дьоруойдарбыт ситиһиилэрэ биһиги үлэбитин кынаттыыр, — диэн санаатын үллэһиннэ араадьыйа суруналыыһа.

… Быйыл Саха араадьыйатын үбүлүөйдээх 90 сылыгар анаммыт сонун тэрээһинэ өрөспүүбүлүкэ олохтоохторун барыларын кэриэтэ интэриэриэһиргэттэ, сонурҕатта. Бырайыак салҕанар.

Елена ПОТОЦКАЯ, «Саха сирэ» хаһыат, edersaas.ru

Хаартыска — «Саха» НКИХ архыыбыттан.