Эдэр саас

Территорияны тупсарыыга сүүмэрдиир куоластааһын туһунан

Онлайн-куоластааһын муус устар 15 күнүттэн ыам ыйын 30 күнүгэр диэри буолуоҕа. Бу тэрээһин Арассыыйа үрдүнэн иккис төгүлүн «Олорор сир уонна куорат эйгэтэ» национальнай бырайыак  «Формирование комфортнай городской среды» диэн федеральнай бырайыагын иитинэн ыытыллар. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.

Бу сылга Алдаҥҥа, Аллараа Кураанахха, Аммаҕа, Ленскэйгэ, Аллараа Бэстээххэ, Мииринэйгэ, Айхалга, Удачнайга, Нерюнгригэ, Уус Ньараҕа, Өлүөхүмэҕэ, Сунтаарга, Ытык Күөлгэ, Бороҕоҥҥо, Мохсоҕоллооххо, Жатайга уонна Дьокуускайга баар бырайыактары көрүөхтэрэ.

«Биллэн турар, дьон-сэргэ баҕатын хоту саҥа уопсастыбаннай территория оҥоһулуннаҕына, киһи социальнай туруга, настарыанньата көтөҕүллүө», — диэн Ил Дархан Айсен Николаев этэр.

2021 сылга Саха сирин 13 куоратын уонна сэлиэнньэтин 59 тыһыынчаттан тахса олохтооҕо куоластааһыҥҥа кыттыбыта. 19 эбийиэктэн 11 паарка уонна болуоссат талыллыбыта.

0
0
Telegram @edersaas20