Саха сирин бары тэрилтэлэригэр санитарнай-гигиеническэй быраабылалар төһө тутуһуллалларын хонтуруоллуур бэрэбиэркэлэр ыытыллаллар.
Алтынньы 25 күнэ үүнэр түүнүгэр Дьокуускай суһал ыстааба бэрэбиэркэ кэмигэр алта тэрилтэ үлэтигэр кэһии баарын бэлиэтээтэ. Ол курдук, субуота түүн «Чиллаут», «Прага», «Сунгари», «Зодиак», «Версаль», «Легенда», «Новый Пекин», «Number one», «Шахризабис», «Умед», «Бакс», «Микс бар», «Китайская стена», «Ремикс», «Проект Х», «Туман», «Мята», «Облако», «ТНТ» сынньалаҥ сирдэригэр, «Бар у Бати», «Пивовар» баардарга уонна «Banck hall» банкеттыыр саалаҕа рейдэ сырытта.
Мантан «Number one», «Туман», «Микс бар», «Умед», «Пивовар», «Бар у Бати» тэрилтэлэр санитарнай ирдэбиллэри толорботторо бэлиэтэммит, СӨ административнай быраабын кодексын 3.8 ыстатыйатынан аакта оҥоһулунна.
Киин куоракка дьаҥы бохсууга суһал ыстаап атыы-эргиэн, уопсастыбаннай аһыыр, сынньанар тэрилтэлэр салайааччылара мааска эрэсиимин, социальнай дистанцияны тутуһалларын санатар.
edersaas.ru