РФ Конституциятын 31 ыстатыйатынан Арассыыйа олохтоохторо мунньаҕы, миитини, демонстрацияны, пикети, шествиени тэрийэр бырааптаахтар. Бу барыта «О собраниях, митингах, демонстрациях, шествиях и пикетированиях» диэн 2004 сыл бэс ыйын 19 күнүгэр тахсыбыт 54-с нүөмэрдээх федеральнай сокуонунан бигэргэтиллэр.
Манна суруллубутунан, миитини тэрийээччи 16 сааһын туолбут РФ гражданнар, бэлитиичэскэй баартыйалар, уопсастыбаннай тэриллиилэр, олор эрэгийиэннээҕи тэриллиилэрэ уонна салаалара буолуохтарын сөп.
54-с нүөмэрдээх федеральнай сокуон бэһис ыстатыйатынан, тэрийээччи тэрээһин ыытарын туһунан толорор былаас, бэйэни салайыныы уорганнарыгар уон күн иннинэ биллэриэхтээх.
Оттон элбэх буолан пикеттиир эбэтэр соҕотох, ол эрээри түргэнник хомуллар-оҥоһуллар конструкцияны туһанар буоллахха, үс күн иннинэ биллэриэххэ наада. Туох даҕаны конструкцията суох соҕотох пикеттииргэ эрдэттэн сэрэтэр эрэйиллибэт.
Сэрэтии болдьоҕор биллэриллибэтэх эбэтэр аккаас ылбыт тэрийээччи тэрээһини ыытар бырааба суох.
Тэрээһини ыытыы бэрээдэгин туһунан сиһилии sakha.gov.ru саайтка ааҕыҥ.
СӨ Прокуратурата.