Төрүт олохтоох аҕыйах ахсааннаах хотугу норуоттар ассоциацияларын ыччакка сэбиэтин бэрэссэдээтэлэ Михаил Кривошапкин салалтатынан, А.Е.Кулаковскай аатынан норуоттар доҕордоһууларын дьиэтигэр, төрөөбүт тыл уонна сурук-бичик дэкээдэтин иитинэн, эбээн тылын күнүн олус сэргэхтик ыыттылар.
Тэрээһин олус истиҥ буолла, дьон-сэргэ кыттыыта да көхтөөх. Культурнай чааһын Ренат Степанов (Сэбээн Күөл, Кэбээйи), Андрей Громов-Агди аатынан анал номинацияны ылбыт Гавриил Суздалов (Депутатскай, Усуйаана), «Эхо тундры и тайги-2020» эрэгийиэннээҕи аһаҕас бэстибээл 1 ст. лауреата, уонна Сэбээн Күөл талааннаахтара кытыннылар.
Маны сэргэ, эбээн суруйааччыларын туһунан сэһэргэстилэр, эбээн тылын билиигэ квиз ыытылынна. Эдэр дьон өрө көтөҕүллэн кыттыбытыттан аҕам саастаахтар улаханнык үөрдүлэр.