Дьокуускай аэропуордугар коронавируһу бохсууга үлэлэр ыытыллаллар. Манна тэйиччиттэн температураны мээрэйдиир «Пергамед-барьер» тепловизордары туруордулар.
Аэропуорка баар Роспотребнадзор Саха сиринээҕи управлениетын санитарнай-хонтуруоллуур пуунугар оператор үлэлиэҕэ. Кини тепловизордар үлэлэрин кэтиэҕэ.
«Пергамед-барьер» тепловизор элбэх дьон быыһыттан темпаретуралаах киһини быһаарарга анаммыт тэрил буолар. Кини 3,5 миэтирэ ырааҕы хабар. Температуралаах киһи баар буоллаҕына аппараат тута операторга бэлиэ ыытар.
Маныаха киһи этин температуурата үрдээһинэ коронавирус эрэ буолбакка, үгүс атын ыарыы сибикитинэн буолуон сөбүн өйдүөххэ наада.
+1
+1
+1
+1
+1
+1
+1