Бу күннэргэ СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников ыыппыт кыстыкка бэлэмнэнии ыстаабын мунньаҕар «Теплоэнергосервис» АУо салалтата иһитиннэрбитинэн, тэрилтэ инвестиционнай бырагырааматын чэрчитинэн Өймөкөөн улууһун Уус Ньара бөһүөлэгэр хочуолунайы, Усуйаана улууһун Сайылык нэһилиэгэр уонна Алдан оройуонун Нижнэй Кураанах бөһүөлэгэр ититии ситимин саҥардаллар.
Тэрилтэ өрөмүөн бырагырааматынан уопсайа 9 хомунаалынай эбийиэги, 19 хочуолу, 18,5 км уу уонна ититии ситимин өрөмүөннүөҕэ. Бу кэмҥэ ититии тиһигин былаан быһыытынан ыраастааһын, сууйуу ыытыллар. Бүгүҥҥү чахчынан ититии тиһигэ 35%, итии уу тиһигэ — 10%, тымныы уу тиһигэ — 32 %, оттор хочуол — 51 % өрөмүөннэннэ.
Бу туһунан СӨ ОДьКХ пресс-киинэ иһитиннэрдэ.
Елена ПОТОЦКАЯ, «Саха сирэ» хаһыат, edersaas.ru