Тэллэйдьит уолчаан – Илья

Ааптар: 
Бөлөххө киир:

Аллайыаха улууһун Чокуурдаах оскуолатын үөрэнээччитэ Илья Ярков хайыы үйэ ийэтигэр туһа киһитэ. Кини кыра быраата Толиктыын уонна ийэтин кытта аатырбыт “Кыталык” национальнай пааркатыгар сайылаан олороллор. Ийэтэ Елена Яркова пааркаҕа кэлбит учуонайдары сылаас, минньигэс аһынан хааччыйар.

Илья  киэҥ нэлэмэн туундараҕа тэллэй хомуйар. Онон күнүн-дьылын билбэккэ аһарар. Быраатынаан төһө да кумаарга сиэттэллэр, көй салгынынан дуоһуйа тыыналлар.

Уолчаан өссө быйыл сайын таах сылдьыбата – кэлбит омук учуонайдарын кытта английскай тылынан кэпсэтэ үөрэннэ, тылын баайын сайыннарда. Онон аны кыһын английскай тылыгар үөрэҕэ олох тупсар чинчилээх. Илья онтон олус астынар. Дьоһун уолчаан нуучча тылыгар, математикаҕа үчүгэйдик үөрэнэр. Ыраас буочардаах. Барыта орун-оннугар буоларын сөбүлүүр чэнчис оҕо. Айылҕа кэрэтин көрө үөрэммит уол тулалыыр эйгэтин даҕаны харыстыа турдаҕа. Хоту дойдуга оҕолору итинник айылҕаны таптыырга үөрэтэллэр.

Туһалаахтык сынньан, Илья!

Бэлэмнээтэ Женни Стрюкова

Хаартысканы Аллайыахаттан ыыттылар.

+1
0
+1
0
+1
0
+1
0
+1
0
+1
0
+1
0