Тэлгэһэ ыһыаҕа
Олох-дьаһах - Саха ыала

Тэлгэһэ ыһыаҕа

Быйылгы ыһыахпыт уратыта, сүнньэ «Тэлгэһэ ыһыаҕа» ыытыллар буолла. Тэлгэһэбитигэр ыһыахтыыр ураты түгэн үүннэ.

Сарсыардаттан үөрэн-көтөн уһуктан, эрдэттэн бэлэмнээбит аспытын тэлгэһэбит туһүлгэтигэр тардан, саламанан киэргэтиллибит тэлгэһэбит сэргэхсийэн, үөрбүккэ дылы буолбутун бэлиэтии көрөбүт. Түптэ унаар буруотун таһаарабыт. Дьэ уонна, дьиэ-кэргэммитиниин бары сахалыы таҥаспытын таҥнан-симэнэн, Алгыс түһэрэн, тэлэбииһэринэн кэтэһэн, алгыһы ылынан, түһүлгэбитигэр олорон, чоруун чорооннортон кымыс иһэн, үтэһэҕэ үөлүллүбүт убаһабыт этин, ыһаарыламмыт собобутун тото-хана сиэн, андыбыт миинин астына иһэн, алгыспытын иҥэринэбит.

Ол кэнниттэн аны мас тардыһан, куобахтаан, ыстаҥалаан, хапсаҕайдаһан туруохпут — тэлгэһэбит үөрүүнэн туолуо!

Ырыа, үҥкүү, оһуохай — ким тугу сатыырынан. Түүн  тэлгэһэбэр тахсан, Аламай күнү көрсөн үөрэртэн ордук, ама, туох баар буолуой?!…

Онон, оҕолорбутун, сиэннэрбитин, хос сиэннэрбитин кытта тэлгэһэбитигэр ыһыахтыыр күн үүммүтүнэн, күндү биир дойдулаахтарым, сахам дьоно, истиҥник эҕэрдэлиибин!

Уйгу-быйаҥ олохтонуҥ, чэгиэн-чэбдик чөл туруктаныҥ, этэҥҥэ буолуҥ, дьол, үөрүү аргыстаныҥ, кыайыы кынаттаныҥ, ситиhии эрэ энэрдэстин, о5о-уруу тэнийдин, уруй-туску, айхал-мичил!!!

                                                                     Ольга ХАРАЙБАТОВА.

 

 

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

одиннадцать − семь =