Ыалдьыбыт киһи кэмигэр уонна сөптөөх эмтээһини ылбатаҕына, онтон сылтаан доруобуйата өссө айгыраатаҕына, бэйэ быраабын көмүскэнэн, ону төлөттөрүөххэ сөп.
Нерюнгри куорат борокуратуурата биир гражданкаттан киирбит сайабылыанньанан бэрэбиэркэ ыыппыт. Дьахтар эрин Нерюнгри киин балыыһатыгар куһаҕаннык эмтээбиттэрин туһунан үҥсүбүт.
Бэрэбиэркэ быһаарбытынан, чахчы бу балыыһа медицинскэй персоналын буруйунан, эр киһиэхэ кэмигэр сөптөөх эмтээһини оҥорботохтор, ол онтон сылтаан доруобуйата өссө эмсэҕэлээбит.
Нерюнгри куорат борокуруора итинэн сибээстээн, Нерюнгри оройуоннааҕы киин балыыһатыттан моральнай хоромньуну төлөттөрөргө суукка ирдэбил-сайабылыанньа киллэрбит.
Суут ону өйөөбүтүн түмүгэр, дьахтарга доруобуйа харыстабылын тэрилтэтэ 150 тыһ. солк. сууммалаах моральнай хоромньу төлөөбүт.
Бу туһунан СӨ Борокуратууратын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.