Доруобуйа Маны аах Нацбырайыактар

 «ТелеЭКГ» бырайыак үлэлээтэ

“Доруобуйа харыстабыла” национальнай бырайыак соруктарын толорор туһугар   доруобуйа харыстабылын бастакы сүһүөх звенотун модернизациялааһыҥҥа  «ТелеЭКГ» бырайыагы олоххо киллэрии саҕаланна.

edersaas.ru 

Ол эбэтэр, өрөспүүбүлүкэ 26 мэдиссиинискэй тэрилтэтин 50 телекардиограба ТИС систиэмэҕэ – “Сүрэх-тымыр ыарыылаахтарга мэдиссиинискэй көмөнү тэрийии” киин систиэмэҕэ холбонуоҕа. Саҕалааһын  түһүмэҕэр систиэмэлэри таҥнылар, онон быраастар хайыы үйэ кардиограммаларга киирэн, ааҕар (расшифровка) кыахтаннылар.

«Бу бырайыак эмчиттэр хардарыта бииргэ үлэлээһиннэрин, ыарыыны суһаллык уонна чопчутук быһаарыыны тупсарыаҕа. Ол эбэтэр, электрокардиограммнары улуустарга уонна киин куоракка туһанааччыларга олус табыгастаах буолуоҕа. Улуус балыыһаларын кытары былааннаммыт уонна суһал теле-мэдиссиинискэй  сүбэни-аманы биэрэргэ Мэдиссиинэ национальнай киинин сүрэх-тымыр киинин сүрүннүүн исписэлиистэрэ үлэлэһиэхтэрэ”, — диэн СӨ Доруобуйа харыстабылын министиэристибэтин сүрүннүүр кардиолога Елена Кылбанова быһаарда.

Манна даҕатан эттэххэ, бу бырагырааманы аан бастакынан 2019 сыллаахха Дьокуускай куорат 3 №-дээх балыыһата туһаммыта уонна үс сыл иһигэр 30 тыһыынчаттан тахса кардиограмманы оҥорбута.

Информационнай технологиялары мэдиссиинэ быраактыкатыгар киллэрии үтүө үөрүйэҕэ  сүрэх-тымыр ыарыылаахтарга мэдиссиинискэй көмө таһымын биллэ үрдэтиэҕэ.

Надежда ЕГОРОВА, «Саха сирэ», edersaas.ru 

0
0
Telegram @edersaas20