Саха сиригэр премьер Владимир Солодов тэйиччиттэн олорон үөрэнии боппуруостарыгар эппиэттээх министиэристибэлэр салайааччыларын кытта сүбэ мунньах ыытта.
Мунньахха коронавирус тарҕаныытынан сибээстээн, цифровой үөрэххэ көһүүгэ бэлэмнэниини дьүүллэстилэр.
Саха сирин үөрэҕин миниистирэ Владимир Егоров иһитиннэрбитинэн, үөрэх тэрилтэлэрин усулуобуйаларыгар сөп түбэһэр – интэриниэт уонна компьютер тиэхиньикэлэрэ баарын учуоттаан, үөрэтии сүрүн ньымаларын торумнаатылар.
Биэдэмистибэ салайааччыта иһитиннэрэринэн, тэйиччиттэн олорон үөрэтии саамай туһаныллар электроннай үөрэх платформатыгар – “Учи.ру” ыытыллыаҕа.
Чугастааҕы кэмҥэ Саха сирин үгүс нэһилиэнньэлээх пууннарыгар интэриниэт-холбооһун түргэтиэ. Маны сэргэ, үөрэх трафигар араас провайдердарга тарыыбы аччатыы боппуруоһа үөрэтиллэр.
Бэлэмнээтэ Женни Стрюкова, “Саха сирэ” хаһыат.
Хаартыска: сахагов саайтан