Тэйиччиттэн үөрэнии эрэсиимэ уһаата

Бөлөххө киир:

1-8 кылаас үөрэнээччилэригэр ахсынньы 7 күнүттэн 12 күнүгэр диэри тэйиччиттэн олорон үөрэнии эрэсиимин уһаттылар. Бу туһунан быһаарыыны ахсынньы 6 күнүгэр Дьокуускай санитарнай-эпидемиологическай хамыыһыйатын мунньаҕар ылыннылар.

Оҕолорго вирустаах ыарыыларынан (ОРВИ) уонна кириибинэн ыалдьыы таһыма намтаабатаҕынан, ахсынньы 7-12 күннэригэр 1-8 кылаастарга оскуолаҕа үөрэнии, куруһуоктарга, эбии дьарыктарга сылдьыы тохтотуллар” диэн быһаарыыга этиллэр.

Онон оҕолор дьиэлэриттэн олорон, үөрэнэллэр. Оскуола үлэһиттэрэ сууйар-сотор үлэни ыытыахтаахтар. Бу кэмҥэ оҕолор дьон мустар сирдэригэр (киинэ тыйаатырдарыгар, спортивнай саалаларга, атыы-эргиэн кииннэригэр, о.д.а.) сылдьаллара хааччахтанарын туһунан төрөппүттэргэ өйдөтөр үлэ ыытыллар.

Ахсынньы 6 күнүнээҕи туругунан, биир күн иһигэр 53 оҕо “ковидынан” ыалдьыбытын туһунан суһал ыстаап иһитиннэрбитэ. Бу хаһааҥҥытааҕар да элбэх. Онон оҕолорбутун харыстыаҕыҥ, ыарыы таһыма намтыар диэри, бу кэмҥэ дьиэҕэ олорон үөрэнэллэрэ ордук.

9-11 кылаастар үөрэнээччилэрэ санитарнай миэрэлрэи тутуһан, оскуолаҕа баран үөрэнэллэр, эксээмэннэригэр бэлэмнэнэллэр.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

+1
0
+1
0
+1
0
+1
0
+1
0
+1
0
+1
0