Тэйиччиттэн поликлиника — табыгастаах өҥө

Ааптар: 
Бөлөххө киир:

Тэйиччиттэн поликлиника («Облачная поликлиника») телемэдиссиинэ  өҥөтүнэн киин куорат олохтоохторо 2020 сылтан, коронавирус сыстыганнаах дьаҥа саҕаланаатын кытта,  туһанан барбыттара.
Эмчиттэр тэйиччиттэн поликлиникаҕа куйаар ситиминэн дьон доруобуйатын бөҕөргөтүнэригэр сүбэ-ама биэрэр, кэтээн көрөр буолбуттара.

СӨ Аҕа баһылыгын уонна Бырабыыталыстыбатын пресс-сулууспата иһитиннэрбитинэн, тэйиччиттэн поликлиникаҕа 98 киһи регистрациялаах. Кинилэри куйаар ситиминэн 647 быраас көрө-истэр, 30 тыһыынчаттан тахса онлайн-сүбэ биэрдилэр. Ил Дархан Айсен Николаев туруорбут сүрүн соруга — медицинскэй көрүү-истии хаачыстыбата тупсуута. Өрөспүүбүлүкэтээҕи мэдьиссиинэ иһитиннэрэр-аналитическай киинин дириэктэрэ Аида Коростелева бэлиэтииринэн, анал сыһыарыылар көмөлөрүнэн быраастар сүбэлэрин эрэ буолбакка, коронавирус дьаҥыттан үтүөрэн баран, доруобуйаны чөлүгэр түһэрии, бөҕөргөтүү куурустарын куйаар ситиминэн эмиэ барыахха сөп.

Өҥө хайысхата саҥардылла турар. Сонун сүүрээн быһыытынан аны оҕо уһуйааннарыгар уонна оскуолаларга ыспыраапка, чэпчэтиилээх рецептэри , анаалыс түмүгүн суруттаран ылыахха, больничнай лииһи сабыахха, уһатыахха  сөп буолла.

Бырааһы дьиэҕэ ыҥырыы өҥөтө эмиэ баар. Сыһыарыыны AppStore уонна PlayMarket босхо хачайдаан ылыахха сөп. Маныаха судаарыстыбаннай өҥөнөн туһанар буолуохтааххын.

Елена ПОТОЦКАЯ, “Саха сирэ” хаһыат, edersaas.ru

Хаартыска: СӨ Аҕа баһылыгын уонна Бырабыыталыстыбатын пресс-сулууспата.

+1
0
+1
0
+1
0
+1
0
+1
0
+1
0
+1
0