Тэйиччиттэн олорон быраастан сүбэ-ама ылаллар

Дьаҥ-дьаһах кэмигэр телемэдиссиинэ өҥөтүгэр наадыйыы улаатта. Телемэдиссиинэ бириэмэни кэмчилиир, пациент уонна быраас хантаактаспаттар, онон коронавирус дьаҥар сутуллууну намтатар.

Саха сиригэр 2020 сыллаахтан үлэтин саҕалаабыт «Облачная поликлиника» телемэдиссиинэ өҥөтө хааччахтанан олорор, диспансер учуотугар турар дьон туруктарын ыраахтан кэтээн көрөргө туһалаах. Бу сыһыарыынан эпидемиологическай балаһыанньа хайдаҕын, ону сэргэ, больничнайы билиэххэ,  уһаттарыахха эмиэ сөп. Пациент каартата, анаалыстарын түмүктэрэ барыта иһитиннэрэр тиһик электроннай испииһэгэр киллэриллэллэр. Онон быраастарга да, пациеннарга да табыгастаах.

«Облачнай поликлиника» нөҥүө дьон быраастартан сүбэ-ама ыларга сурутуон сөп. Онно «Онлайн-консультация» диэн кунуопканы баттыыгын уонна сыһыарыы өҥөнү оҥорор страницатыгар киирэн мэдиссиинэ тэрилтэтин булаҕын, ханнык быраастан сүбэ-ама ыларгын, күнүн уонна бириэмэтин талаҕын. Суруппуккун бигэргэтэҕин. Болдьоммут кэмҥэ быраас чатынан, видеонан эбэтэр аудио-сибээһинэн сүбэ-ама биэрэргэ сибээстэһэр. «Облачная поликлиника» нөҥүө 2021 сылга телемэдиссиинэнэн уопсайа 13 729 сүбэ-ама оҥоһуллубут.

Маны сэргэ, эмкэ-томко чэпчэтиилээх ырысыабы ылыахха эмиэ сөп. Маныаха итинник ырысыап бастаан бырааһы кытары көрсөн илиигэ эрэ туттарыллыахтаах. Онтон салгыы поликлиникаҕа кэлбэккэ эрэ ырысыабы ыраахтан олорон ыларга, бырааһы кытары кэпсэтэҕит.

Сыһыарыы көмөтүнэн быраастан сүбэни-аманы ылары таһынан, реабилитацияҕа кууруска, ол иһигэр коронавирустаабыт дьон доруобуйаларын чэбдигирдинэллэригэр сүбэ-ама ылыахтарын, сурутуохтарын сөп.

Диспансер учуотугар турар пациеннар доруобуйаларын туругун ыраахтан эмтиир быраастарыгар бэрэбиэркэлэтэр кыахтаахтар. Маныаха пациеннар быраастан наадалаах көрдөрүүлэри толорон иһэллэригэр иһитиннэрии туталлар.

Санатан эттэххэ, пациент аан бастаан бырааска тиийэн көрдөрөр. Онтон сервис хаһыс да төгүлүн көрдөрөр пациены арыаллыыр.

«Облачная поликлиника» сыһыарыынан хайдах туһаныахха сөбүн манна салгыы көрүҥ.

1.Зайдите в AppStore или PlayMarket, введите в поисковике «Облачная поликлиника». Рядом с иконкой нажмите «Загрузить».

2.Запустите приложение на смартфоне. В появившемся окне нажмите кнопку «Авторизоваться».

3.Нажмите кнопку «Войти через Госуслуги» (при наличии подтвержденной учетной записи в Госуслугах).

4. После перехода страницы на платформу Госуслуг, введите свои данные, которые используете для входа в личный кабинет Госуслуг.

5. Введите код подтверждения, высланный вам на телефон в виде смс. Нажмите «Продолжить».

6. Вы прошли процесс авторизации.