Технопааркаттан уонна венчурнай хампаанньаттан кынаттанан тахсыбыт бырайыактар ситиһиилэрин быыстапката

Ааптар: 
Бөлөххө киир:

Бүгүн «Арассыыйа – мин устуоруйам” историческай пааркаҕа инновационнай бырайыактар быыстапкалара «Якутия” технопаарка уонна “Якутия венчурнай хампаанньа 10 сыллаах үбүлүөйдэригэр ананна.

2019 сылтан «Якутия” технопаарка тэрилтэ «Сколково» пуондаҕа Саха сирин сирэйдиир уонна дойду уон бастыҥ Технопааркатын ахсааныгар киирсэр.

Быыстапкаҕа технопаарка уонна венчурнай хампаанньа резиденнэрин бородууксуйалара, “Акселератор Б8” выпускниктарын стартаптара, «Мин идэм — IT»,«Sakha Innovation», «Стартап Экспедиция Б8» уонна Акселератор «Б8» иһитиннэрэр-биллэрэр аныгы бырайыактара билиһиннэриигэ турдулар.

Ил Дархан Айсен Николаев бэлиэтээбитинэн, 2012 сыллаахха Технопааркаҕа резиденнэр ахсааннара 12 эрэ этэ. Бүгүҥҥү күҥҥэ 167 инновационнай хайысханан дьарыктанар тэрилтэлэр бэйэлэрин бородууксуйаларын оҥорон таһааран, Саха сиригэр эрэ буолбакка, дойду ырыынагар тиийэ билиниини ыллылар. Ол курдук, бүгүн быыстапка кыттыылаахтарын ортолоругар «Саха Липснель» кытаанах оттук хочуолунайдарын, «Саха Фильтр» ууну ыраастыыр систиэмэни, «МилаМакс Плюс» таба тириитинэн тигиллибит кыһыҥҥы итии таҥастары, «Информационнай-техническэй киин» ХЭУо кыылларга анаан спутник сибээһин нөҥүө моойторуктары оҥоруунан дьарыктанар, о.д.а. бырайыактардаах туспа суоллаах-иистээх үүнэн-сайдан тахсыбыт тэрилтэлэр бааллар.

СӨ Аҕа баһылыгын уонна Бырабыытыластыбатын пресс-сулууспата иһитиннэрбитинэн, аҥардас быйыл 334 саҥа үлэ миэстэтэ тэриллэн, Технопааркаттан кынат анньынан тахсыбыт тэрилтэлэр «Якутия» урутаан сайдар сирин-уотун резиденнэринэн буоллулар.

Елена ПОТОЦКАЯ, “Саха сирэ” хаһыат, edersaas.ru

Хаартыскаҕа ааптар түһэриитэ.

+1
0
+1
0
+1
0
+1
0
+1
0
+1
0
+1
0