Хас биирдии оҕо тэрилтэтэ сыллааҕы былаанын торумнаан үлэлиир. Ол курдук, Уус Алдан улууһун «Татыйык» уһуйаана ыйдарынан аттаран, тиэмэлээх былаанынан үлэлиир.
edersaas.ru
Тохсунньу ый биһиэхэ «Чөмчүүк саас остуоруйалара» диэн тиэмэлээх. Ол 2019 сыл дойдубүт үрдүнэн Тыйаатыр сылынан биллэриллибит кэмигэр сөп түбэстэ. Онон сиэттэрэн, Николай Якутскай «Ойуур оскуолата» остуоруйаны «Хатыҥчаан» бөлөх иитээччилэрэ Варвара Алексеевна Васильева, Надежда Борисовна Окоемова оҕолору оруолларга арааран, бэлэмнээн, кырачааннарга олус үчүгэй остуоруйаны көрдөрөн бэлэхтээтилэр. Остуоруйаттан иитээччилэр төрөппүттэри кытта тэҥҥэ үлэлээбиттэрэ харахха тута быраҕыллар. Оруолларга оонньуур оҕолор таҥастара-саптара эчи үчүгэйин. Хас биирдии тыа олохтооҕо — кыыл толорутук бэриллибит. Оҕолор оруолларын үөрэн-көтөн толорбуттара көрөөччүнү үөрдэр.
edersaas.ru саайтка анаан Татьяна ВАСИЛЬЕВА.
+1
+1
+1
+1
+1
+1
+1