А.Е.Кулаковскай аатынан норуоттар доҕордоһууларын дьиэтин ресурснай киинин салайар Татьяна Парникова:
—Арассыыйаҕа үгүс дойдулар сааҥсыйа биллэриэхтэриттэн, ханна да сыана үрдээбитинэн барбыта. Маныаха биһиги бэйэбитин кыайан хааччынар кыахтаахпыт буолуо дуо диэн толкуйга элбэх киһи кэлбит буолуохтаах. Мин санаабар, киһи туохха баҕарар кыһалыннаҕына, санаатын уурдаҕына, ылыстаҕына, хайа да бэйэлээх мэһэйи, харгыһы кыайар кыахтаах. Маныаха бастатан туран, бэйэбит олохтоох аспытын-үөлбүтүн дэлэтэргэ, атыыга хамаҕатык барарын, ирдэбилгэ эппиэттиирин курдук үлэни күүһүрдэрбит наада. Ол туһуттан сүөһү, сылгы ахсаанын дэлэтэргэ туһуланар үлэ өссө кэҥээн биэрэрэ сөптөөх буолуо дии саныыбын. Онно эбии дьон-сэргэ турунара, ылсара. Итиннэ өйөбүл араас хайысхата эмиэ сөптөөҕүнэн көрөн оҥоһуллан иһэрэ тирэх буолуо этэ. Бу хайысхаҕа үлэ кэҥээн, күүһүрэн истэҕин ахсын, дьарыктаах буолуу да элбээн иһиэ. Итиннэ дойдубутугар үүнэр сир аһа, эмтээх үүнээйилэрэ эмиэ улахан болҕомтону ылыахтара. Онтон дойдубут экологическай ыраас, иҥэмтиэлээх, сибиэһэй уонна битэмииннээх аһынан аһа-үөлэ доруобуйаҕа туһалаах буолара саарбахтаммат. Улахан болҕомтону тардыахха сөп буолуо дии саныыбын.