Бырамыысыланнас уонна эргиэн министиэристибэтин салайааччыта Денис Мантуров “импорты солбуйуу бэлиитикэтэ көдьүүһэ суох” диэн санааны кытта сөбүлэспэтин туһунан «Коммерсантъ» хаһыакка биэрбит интервьютугар биллэрдэ.
— Син элбэх киһиттэн “импорты солбуйуу бэлиитикэтэ көдьүүһэ суоҕун көрдөрдө” диэн толкуйу истэбин. Биһиэхэ туох баар киирэр табаары барытын 100% солбуйар туһунан былаан суоҕа, оннук быһаарыныы бүгүҥҥү күҥҥэ туһата суоҕа өйдөнө”, — диэн эбэн эппитэ.
Миниистир этэринэн омук сириттэн билигин киирэр табаары барытын сып-сап солбута охсуу бэрт улахан сыананы эрэйэр, онон тустаах экэниэмикэҕэ өҥөнү оҥорор кыаҕа суох.
Ол оннугар национальнай куттала суох буолууну хааччыйыы эйгэтигэр сыһыаннаах салаалары олоччу атын дойдулартан тутулуга суох оҥоруу булгуччулааҕын ыйда. Ити байыаннай бырамыысыланнаска сыһыаннаах тэрилтэлэр. “Бу экэниэмикэ ирдэбилэ буолбатах, дьоммутун көмүскүүр үлэ. Биһиги дойдубутугар аан бастаан ити кыһалҕаны хааччыйыы быһаарыллар” — диир Денис Мантуров.
edersaas.ru