РФ президенэ Владимир Путин ааспыт сыллааҕы Анал этиитигэр Уһук Илин регионнарыгар уот тарыыбын Россия орто көрдөрүүтүгэр тэҥниир туһунан эппитэ.
Анивера Акимова, «Саха сирэ» хаһыат, www.edersaas.ru
Уот тарыыбын намтатыыга, ол эбэтэр Россия орто көрдөрүүтүгэр тэҥнээһин үлэтэ сыл иккис аҥарыттан ыытыллыахтаах этэ даҕаны, улахан хамсаһын тахсыбатаҕа. Кэтэһэ, күүтэ сатаан баран, Уһук Илин олохтоохторо сапсыйан кэбиспиттэрэ.
Бу күннэргэ Судаарыстыбаннай Думаҕа «О внесении изменений в Федеральный закон «Об электроэнергетике» сокуон бастакы ааҕыыны ааста. Билигин Уһук Илин регионнара, ол иһигэр Чукотка, Сахалин, Камчатка уонна Саха сирэ электроэнергия төлөбүрүгэр үгүс үбү-харчыны ороскуоттууллар.
Уһук Илини сайыннарыы министиэристибэтэ, юридическэй сирэйдэргэ электроэнергия тарыыбын Магадан уобалаһыгар – 34%, Камчаткаҕа – 20%, Сахалиҥҥа – 46%, Чукоткаҕа – 65%, Саха сиригэр – 50% диэри намтатыллыахтааҕын туһунан этэр. Тэрилтэлэр абыраныыһылар. Оҥорон таһаарыы ороскуота аччыаҕа.
Анивера АКИМОВА.
Хаартыска: Интернеттэн.