Табааргын батарыаххын баҕарар буоллаххына, СМС-иһитиннэриини туһан
Билигин атыы-эргиэн ырыынагар күрэстэһии кытаатан турар буолан, хайдах даҕаны рекламата суох табыллыбаккын. Урут тэлэбиидэнньэнэн, араадьыйанан уонна хаһыатынан рекламаны хото туһанар эбит буоллахтарына, билигин атыыһыттар табаардарын социальнай ситимнэринэн, төлөпүөнүнэн батараллар. Суотабай төлөпүөҥҥэ таргетинговай СМС-рекламаны оҥорууга МегаФон хампаанньа үлэлиир.
edersaas.ru
Кырдьык, билигин киһи эрэ барыта тэлэбиисэри көрбөт, араадьыйаны истибэт. Арай үгүспүт суотабай төлөпүөнү доҕор-атас оҥостон, уһун күнү быһа илиибититтэн араарбаппыт. Онон эспиэрдэр этэллэринэн, билиҥҥи үйэҕэ суотабай төлөпүөнүнэн табаары рекламалааһын саамай табыгастаах уонна көдьүүстээх.
Ол курдук, үгүс киһи төлөпүөнүгэр араас маҕаһыыннар, табаардар, өҥөлөр рекламаларын тутар буолуохтаах. Ханнык эрэ маҕаһыыҥҥа чэпчэтии туһунан, биитэр саҥа табаар атыыга кэлбитин туһунан иһитиннэриилэр элбэхтик кэлэллэр. Бу, дьиҥэр, олус наадалаах ээ.
Big Data технологиятынан, МегаФон.Таргет өҥөтүнэн туһанан, СМС-иһитиннэриини географическай балаһыанньатын учуоттаан туран, туһааннаах рекламаны эр дьоҥҥо, биитэр дьахталларга, эбэтэр эдэр дьоҥҥо, кырдьаҕастарга тус туһунан ыытыахха сөп эбит.
Бу өҥө ордук дьоҕус уонна орто биисинэс бэрэстэбиитэллэригэр наадалаах. Холобур, пицца, суши атыылыыр урбаанньыт аһа-үөлэ атыыга хамаҕатык барарын туһугар, төлөпүөнүнэн рекламатын эбиэт кэмигэр, биитэр кафе аттынан ааһар иһэр дьоҥҥо СМС-нан ыытар кыахтаах.
Ким туох интэриэстээҕинэн көрөн, СМС ыытыахха эмиэ сөп. Холобур, кэрэ аҥаардарга аналлаах саҥа солуон аһыллыытын туһунан иһитиннэриини Инстаграмынан туһанар 18 – 45 саастаах дьахталларга, оттон тас дойдуларга барар-кэлэр дьоҥҥо туристическай фирма рекламатын ыытыллар.
Онон, интэриэһиргээбит дьон, МегаФон.Таргет көмөтүнэн туһаныҥ.
Бэлэмнээтэ Анивера Акимова, edersaas.ru