СӨ үрдүк технологиялаах «IT-паарка» үлэтэ сайдан иһэр. Айыысхан Алексеев бииргэ үлэлиир хамаандатын кытта былырыын илии протеһын оҥорбуттарын туһунан суруллан турар. Бу протеһы оҥорооччулар бионическай тарбахтары косметическай протеһы кытары холбообуттарын туһунан суруллубута. Оҥоһуктарын кинилэр доброволец Ньургуйаана Поповаҕа биэрбиттэрэ.
Протез сүрүн чааһа — тулалыыр эйгэҕэ куттала суох, PLA пластиктан оҥоһуллубут. Бу матырыйаалы 3D-бэчээккэ тутталлар. Хамсатарыгар, холбоноругар анаан сервоприводтары туттубуттар.
Протез илии ыстакааннаах ууну, лиитэрэ аҥаардаах бытыылкалаах ууну, биир оччоҕо тиийэр ыйааһыннаах малы-салы тутар кыахтаах.
«Бу оҥорбут протезпыт джойстигынан хамсатыллар. Билигин ону өссө тупсарарга, ситэрэргэ-хоторорго үлэлэһэбит. Киһи туттарыгар табыгастаах буоларын курдук оҥорорго кыһаллабыт», — диир Айыысхан Алексеев.
Маны сэргэ, кинилэр «Өйдөөх дьиэ» бырайыакка декоративнай сырдатыыны уонна роботоконструкторы оҥорорго үлэлэһэллэр.
СӨ Ил Дарханын уонна Бырабыыталыстыбатын пресс-сулууспата
News.ykt.ru хаартыскалара
+1
+1
+1
+1
+1
+1
+1