Мэҥэ Хаҥалас улууһун Тарат сэлиэнньэтигэр ахсынньы 14 күнүгэр күөх төлөн кэллэ диэн Ил Түмэн пресс-сулууспата иһитиннэрэр.
Мэҥэ Хаҥалас улууһун нэһилиэнньэтин 70 %-ын гаастааһын түмүгэр киин ититиинэн хааччыйыахтара. Инникитин Совхозная, Лесная, Нагорная уулуссалары уонна «Ровесник» диэн ыччат кыбаарталын гааһынан хааччыйыы былааҥҥа баар.
Сметанан эбийиэк сыаната 52 мөл. солк. тэҥнэһэр. Гаас утаҕын тутуута үс түһүмэҕинэн ыытыллар. Тутуу бастакы уонна иккис түһүмэҕэр бөһүөлэк иһигэр гаас ситимэ тутуллубут, манна 29 чааһынай дьиэ, култуура комплексын дьиэтэ холбонно уонна 92 чааһынай дьиэҕэ ситим тиийэн турар.
«Үһүс түһүмэх оҥоһулларыгар гаас ситимин тутууга 11 мөл. солк. көрүллүөн наада. СӨ Бырамыысыланнаска уонна геологияҕа министиэристибэтэ иһитиннэрэринэн, үбүлээһин 2020 сыл бүддьүөтүн көннөрөн биэриигэ киллэриэхтэрэ«, — диэн иһитиннэриигэ суруллубут.
edersaas.ru