Таракка саҥа хотон үлэҕэ киирдэ

Ааптар: 
Бөлөххө киир:

Бу күннэргэ Мэҥэ Хаҥалас Таратын олохтоохторо өр сылларга баҕа санаа гына сылдьыбыт ыралара дьэ туолла. 

100 миэстэлээх  хотон үлэҕэ киирдэ. Нэһилиэк баһылыга Дмитрий Никитин иһитиннэрбитинэн, улахан тутуу  «Тарат» тыа хаһаайыстыбатын кэпэрэтиибин көрүүтүгэр киирэр. Кэскиллээх ыччат Петр Петров салайар тэрилтэтэ  5 үлэһиттээх. Хотону урбаанньыттар  Лина уонна Владимир Цыпандиннар сүүрэн-көтөн  туттардылар. Улахан тутууну Тыа хаһаайыстыбатын министиэристибэтэ,  улуустааҕы муниципалитет, тыа хаһаайыстыбатын управлениета  үбүлээтилэр. Онон олохтоохтор  тыа хаһаайыстыбатын миниистиригэр Александр Атласовка, Мэҥэ Хаҥалас муниципальнай тэриллиитин баһылыгар Николай Старостиҥҥа, Мэҥэ Хаҥалас улууһун тыатын хаһаайыстыбатын управлениетын салайааччытыгар Иннокентий Семеновка барҕа махталларын тиэрдэллэр.

«Тарат» кэпирэтиип инникитин нэһилиэккэ сүөһү ахсаана элбээһинигэр кылаатын киллэриэҕэ» диэн биир дойдулаахтара тэрилтэ үлэһиттэригэр эрэллэрэ сүҥкэн.

Елена ПОТОЦКАЯ, “Саха сирэ” хаһыат, edersaas.ru

Хаартыска: нэһилиэк дьаһалтатын инстаграмыттан.

+1
0
+1
0
+1
0
+1
0
+1
0
+1
0
+1
0