Эр дьон эмиэ араас. Аккаастыыр түгэҥҥэр хайдах тугу оҥоруохтарын киһи билбэт. Ол — чопчу киһи тус майгытыттан.
Ол курдук, Дьокуускай куорат полициятын 4 №-дээх отделын дьуһуурунай чааһыгар биир дьахтар эрийэн, кини «Ниссан Кашкай» массыынатын кимнээх эрэ алдьаппыттарын туһунан иһитиннэрбит — дьиэтин тэлгэһэтигэр турар массыынатын түөрт көлүөһэтин төрдүөннэрин быһаҕынан быһа сотон тэспиттэр.
Оперативниктар суһал-ирдиир тэрээһиннэр кэмигэр уорбаланааччыны туппуттар — киин куорат биир тэрилтэтин салайааччытынан үлэлиир 32 саастаах киһи эбит.
Тутуллубут киһи оҥорбутун билиммит уонна маннык быһаарбыт: бу дьахтары таптаан эрэйдэнэрин анараата сыаналаабатах, истиҥ иэйиитигэр хардарбатах, ону итинник ньыманан иэстэһэргэ санаммыт.
Бу чахчынан РФ Холуобунай кодексатын 167-с ыст. 1 чааһынан, ол эбэтэр, атын киһи баайын-малын соруйан алдьатыы биитэр суох оҥоруу бэлиэтэ баарынан, дьыала тэриллибит. Бу ыстатыйанан көрүллэр миэрэ — 2 сылга диэри болдьоххо көҥүлү быһыы.
Бу туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.