Уус Алдан улууһун биир кытыы сытар Танда бөһүөлэгэр (Байаҕантай нэһилиэгэ) үс хандьыдаат – эдэр уолаттар кииристилэр.
Еdersaas.ru
Нэһилиэк инникилээҕин бу да көстүү дакаастаата. Бэйэтин кэмигэр сөбүн үлэлээбит салайааччы эдэрдэргэ суолу арыйан туораан биэрбитэ. Манна барыллааһын түмүгүнэн, 170 куолаһы ылан улуус киинигэр суут пристабынан үлэлиир, “Биир ньыгыл Россия” баартыйа чилиэнэ Савва Егоров кыайда.
Иккис миэстэ — 132 куоластаах, Дьокуускайдааҕы “Модун” спорткомплекс үлэһитэ Иван Сивцев, үһүс миэстэ – 84 куоластаах Танда орто оскуолатын дириэктэрин солбуйааччы Гаврил Готовцев.
Уолаттар үһүөн да үчүгэй хандьыдааттар буолалларын, быыбар иннинэ, бары да өрүттэр билинэр этилэр. Норуот бэйэтин санаатын эттэ. Баһылыгынан Егоров Савва үлэлиэ.
Прокопий БУБЯКИН, Еdersaas.ru.
Хаартыскаҕа: Тандаҕа олорор Үлэ Дьоруойа Михаил Готовцевка анаан тутуллубут саҥа хотон.
+1
+1
+1
+1
+1
+1
+1