Маны аах Уопсастыба Экэниэмикэ

Тамалакааннар аны хараҥаттан «куттамматтар»

Быйыл Үөһээ Бүлүү улууһун Тамалакаан нэһилиэгэр олохтоох көҕүлээһини өйүүр бырагыраама чэрчитинэн,  үс уулуссаҕа тимир турба  баҕаналарын туруортаан, сырдатыы үлэтин бу күннэргэ түмүктээтилэр.

«Уот ситимин уопсай уһуна 2400 м. Фоторелелээх буолан,  халлаан хараҥардаҕына, лаампалар бэйэлэрэ холбоноллор, сырдаатаҕына,  арахсан хаалаллар. Тамалакааннар тустаах бырагыраамаҕа төрдүс сылбытын кыттабыт. Ол курдук, 2018 сыллаахха  сайыҥҥы  уу ситимэ тардыллыбыта.   2019-2020 сс. уулуссаларга буор, гравий кутан, суолбутун тупсарбыппыт. Онон олохтоох көҕүлээһини өйүүр бырагыраама тыа сирин нэһилиэктэрэ сайдалларыгар  төһүү күүһүнэн буолар», — диэн нэһилиэк баһылыга Петр Иванов санаатын үллэһиннэ.

 

 

edersaas.ru

0
0