Тамалакаан үтүө санаалаах эдэр ыала — Ивановтар

Ааптар: 
Бөлөххө киир:

Үөһээ Бүлүү Тамалакааныгар «Маитта» маҕаһыын эдэркээн хаһаайыттара Күннэй Вадимовна Егорова кэргэнинээн Гаврил Витальевич Ивановтуун сыл ахсын үтүө үгэһинэн нэһилиэк тыыл бэтэрээннэригэр Варвара Антоновна Руфоваҕа, Анастасия Игнатьевна Николаеваҕа Улуу Кыайыы күнүнэн сэмэй бэлэх туттараллар.


Бэтэрээннэр, олохтоохтор бу Ивановтар эдэр ыал үтүө үгэстэрин сүрдээҕин хайгыыллар, биһирииллэр. Маны сэргэ кинилэр аҕам саастаахтар күннэригэр эмиэ бэлэх уунар үгэстээхтэр.
Бэтэрээннэр  Улуу Кыайыы күнүгэр: «Күннэйбит бүгүн кэлиэ», — диэн сэмээр күүтэллэр. Варвара Антоновна сарсыардаттан алгыстаах алаадьытын, быырпаҕын Күннэйи күндүлээри бэлэмниир.
Иллээх-эйэлээх олохпут туһугар Кыайыыны уһансыбыт күндү дьоммутугар махталбыт муҥура суох. Чөл-чэгиэн сылдьыҥ, үүнэр көлүөнэҕэ үтүө холобур, бигэ тирэх буолан, уһуннук, дьоллоохтук олоруҥ.



Рената Ботуева, Тамалакаан

Хаартыска: https://www.instagram.com/p/COphHpXgw_H/

+1
0
+1
0
+1
0
+1
0
+1
0
+1
0
+1
0