«Талбан» биэриигэ: «Вейп» электроннай табах доруобуйаҕа дьайыыта уонна буортута
Ыччат үлүһүйэн тардар «Вейп» электроннай табаҕа доруобуйаҕа дьайыытын уонна буортутун туһунан өрөспүүбүлүкэ наркологияҕа диспансерын кылаабынай бырааһын солбуйааччы Надежда Хоютанова «Талбан» биэриигэ кэпсээтэ.
Учуонайдар быһаарбыттарынан, электроннай табах састаабыгар баар араас химическэй элеменнэр киһи хааныгар киирэн, дьайыылара олус буортулаах. Сорохтор этэллэринэн, оннооҕор боростуой табахтааҕар доруобуйаҕа быдан куһаҕан дьайыылаах. Боростуой табахтан электроннай табахха көстөххө, табаҕы быраҕарга чэпчэки буолуо диэн — бэйэни албыннаныы. «Вейп» электроннай табах састаабыгар никотин син биир баар эбит.
Ону тэҥэ «Талбан» биэриигэ: көрөөччү киэҥ кэрэхсэбилин ылбыт «Мин үрдүбэр күн хаһан да киирбэт» («Надо мною солнце не садится») Любовь Борисова киинэтин Москва куоракка нууччалыы тылынан көрдөрбүттэрин туһунан сюжет. Алыптаах дьоҕурдаах Хаарчаана Иванова олус уустук тортары оҥорор дьарыгын туһунан кэпсээтэ. СӨ тыа хаһаайыстыбатын миниистирин солбуйааччы Николай Афанасьев хомуур үлэтин хаамыытын уонна аныгы от үлэтэ хайдах барарын туһунан сырдатта.
nvk-online.ru сайтан.
#саха_нких_сонуннара